Producións TeatrAis EXCÉNTRICAS

      AS DESTERRADAS de Carme Varela (25º Premio Álvaro Cunqueiro para textos teatrais)

No século XVI unha pequena comunidade de monxas á beira do Miño vese ameazada pola

cobiza da hierarquia eclesiástica. Os señores da Igrexa, para rematar coa resistencia das

freiras non dúbida en difamalas e ameazadas por todos os medios, desde o tribunal da

inquisición á violencia das mesnadas señoriais.

Carme Varela reconstrúe nun thriller conventual aqueles tempos de resistencia das comunidades de mulleres autosuficientes e poderosas. A vida parece continuar coas suas rotinas de rezos, bordados e melindres, mais a negra sombra da ameaza exterior abátese sobre o convento de Albeos. A heroica resistencia daquelas freiras chega agora encarnada nun elenco luxoso (Melania Cruz, Patricia Vázquez, Rebeca Montero, Rocío González, Belén Constenla e Víctor Mosqueira), dirixidas por Quico Cadaval.

Grande, inmenso, éxito no comezo da xira de AS DESTERRADAS, cunha estrea totalmente chea, e minutos de aplausos, no Teatro Principal de Santiago. Tralas 5 primeiras funcións (2 en Santiago, 2 en Rianxo, unha delas para centros de ensino e 1 en Tui), AS DESTERRADAS supera a barrera dos 1.500 espectadores.

A xira continúa visitando as seguintes cidades:

• 27 de marzo en Foz
• 28 de marzo en Bertamiráns
• 04 de abril en Vigo
• 05 de abril en Cangas
• 10 de abril en Lugo
• 09 de maio en Arteixo
• 23 e 24 de maio en A Coruña
• 27de setembro en Outes
• 04 de outubro en Vimianzo
• 15 de novembro en Ourense
• 28 de novembro en Ribeira

Podes ver o trailer de AS DESTERRADAS, premando no enlace.

AS DESTERRADAS conta co apoio económico da Xunta de Galicia e a Axencia Galega das Industrias Culturais ao abeiro das subvencións a creación escénica 2024.

Este mércores, 26 de marzo, o Pazo da Peregrina de Bertamiráns acollerá un coloquio aberto á veciñanza sobre a peza teatral “As desterradas”. Nesta charla participarán Carme Varela, escritora da obra, e Quico Cadaval, director da peza teatral. A actividade terá lugar ás 19.00 horas e a entrada será libre ata completar aforo.

Este encontro é unha actividade de mediación que realiza a compañía Producións Teatrais Excéntricas por ter realizada unha residencia artística desenvolvendo os ensaios de "As Desterradas" na Casa da Cultura de Milladoiro.

Ademáis, o venres 28 de marzo, a compañía levará a peza completa de "As Desterradas" á Casa da Cultura de Bertamiráns. A función comezará ás 20:30 horas con entradas esgotadas dende hai semanas.